نۇرسۇلتان نازارباەۆ حالىقارالىق ەۋەجايىندا Ashyq قوسىمشاسىنا قاتىستى كەلەڭسٸز وقيعا بولدى. مۇنى ەۋەجايدىڭ باسپاسٶز حاتشىسى انۋار شالەكەنوۆ راستادى, دەپ حابارلايدى قازاقپارات.
ونىڭ سٶزٸنە قاراعاندا, وقيعا 19 مامىردا بولعان. بەلگٸسٸز تۇرعىن ەۋەجاي عيماراتىنا Ashyq جٷيەسٸ ارقىلى كٸرۋدەن باس تارتىپ, جانجال شىعارعان.
«ول Ashyq جٷيەسٸن اينالىپ ٶتۋگە تىرىسقان كەزدە اۆياتسييالىق قاۋٸپسٸزدٸك قىزمەتكەرٸ توقتاتقان. نىسانعا ماسكاسىز كٸرگەن ەر ادام قىزمەتكەرگە دەنە جاراقاتىن سالدى. ەۋەجاي قىزمەتكەرلەرٸ پوليتسييا بٶلٸمٸنە جٷگٸندٸ. كٶپ ۇزاماي تەرتٸپ بۇزۋشى تابىلدى», - دەيدٸ انۋار شالەكەنوۆ.
ەندٸ استانالىق تۇرعىن وسى ەرەكەتٸ ٷشٸن ەكٸمشٸلٸك جاۋاپقا تارتىلۋى مٷمكٸن.
«تٷسٸنبەۋشٸلٸك پەن كەلەڭسٸز جايلاردى بولدىرماۋ ٷشٸن قوسىمشانى الدىن الا جٷكتەپ الىپ, ٶز مەرتەبەڭٸزدٸ نۇرسۇلتان نازارباەۆ ەۋەجايىنىڭ سايتىنداعى QR-كود ارقىلى بٸلۋٸڭٸزدٸ سۇرايمىز. «قىزىل» نەمەسە «سارى» تٷستٸ مەرتەبەسٸ بار كەلۋشٸلەر ەۋەجايعا كٸرگٸزٸلمەيتٸنٸن تاعى دا ەسكە سالامىن», - دەدٸ ەۋەجايدىڭ باسپاسٶز حاتشىسى.
