Almaty qalasy Kásipkerler palatasynyń direktory Aitýar Qoshmambetov onlain brifing barysynda «Ashyq» pilottyq jobasyna qatysýǵa ótinim berý tártibin túsindirdi, dep habarlaidy QazAqparat.
«6 sáýirdegi jaǵdai boiynsha «ASHYQ» qosymshasyn 125 000 qoldanýshy óz smartfondaryna júktep alǵan, obektilerge barlyǵy 374 QR kod berildi, onyń ishinde Nur-Sultan qalasy boiynsha jobaǵa qatysýshylardyń sany – 91, Qaraǵandy boiynsha – 39. Al, Almaty ákimdigi saitynda jariialanǵan tizimde pilottyq jobaǵa qatysýshylar sany – 264, bir qatysýshynyń ótinimi óńdelýde jáne 92 qatysýshy QR kodyn alý satysynda», - dedi Aitýar Qoshmambetov.
5 sáýirdegi derekter boiynsha qalada pilottyq jobanyń arqasynda Almatyda qyzyl jáne sary mártebesi bar 19 kelýshi anyqtalǵan. Jalpy, 17 qańtardan 5 sáýirge deiin respýblika boiynsha qyzyl mártebesi bar 273 azamat anyqtaldy, iaǵni jobaǵa qatysýshy Almaty, Nur-Sultan, Qaraǵandy qalalary boiynsha.
Atameken» Ulttyq kásipkerler palatasy Úkimettiń kezekti otyrysynda QR Bas memlekettik sanitarlyq dárigeriniń qaýlysyna pilottyq jobaǵa qatysýshylardy engizý jáne jobadan shyǵarý tártibin qosýdy usynǵan. Qazirgi tańda jobaǵa qatysýshylardy engizý jáne shyǵarý boiynsha algoritmder bekitý satysynda.
«Ashyq» jobasyna fitnes-klýbtar, spa-ortalyqtar, saýnalar, basseinder, kompiýterlik klýbtar, boýling klýbtar qatysa alady. Oǵan qatysý úshin Almaty qalasynyń Kásipkerler palatasy Iandeks platformasyndaǵy nysandy toltyrý arqyly ótinim bere alady. Ótinim berýge arnalǵan siltemeni «Biznes shtab Almaty» telegramm-arnasynan tabýǵa bolady», - dep túsindirdi spiker.
