Elorda áýejaiynda «sary» mártebesi bar 23 jolaýshyny, «qyzyl» mártebesi bar 24 jolaýshyny anyqtaldy. Bul týraly Nursultan Nazarbaev halyqaralyq áýejaiy habarlady.
Ashyq jobasyn iske asyrýdyń alǵashqy úsh kúninde Nursultan Nazarbaev halyqaralyq áýejaiynyń qyzmetkerleri «sary» mártebesi bar 23 jolaýshyny, «qyzyl» mártebesi bar 24 jolaýshyny anyqtady. Algoritmge sáikes, «qyzyl» mártebesi bar jolaýshylar jedel járdem kelgenge deiin oqshaýlanyp, sodan keiin aýrýhanaǵa jatqyzyldy.
Aita ketse, 12 mamyrdan bastap Nursultan Nazarbaev halyqaralyq áýejaiynda Ashyq jobasy tolyqqandy iske qosyldy. Biz barlyq jolaýshylarǵa (ushyp shyǵatyn) áýejaiǵa kelmes buryn qosymshany júktep alyp, ózderiniń mártebesin tekserý kerek ekenin eskertkimiz keledi. Terminal ǵimaratyna «sary» jáne «qyzyl» mártebesi bar jolaýshylar jiberilmeidi. Reiske jiberilmegen jaǵdaida qarajatty qaitarý jónindegi máselelerdi áýekompaniiaǵa joldaǵan jón.
Ashyq qosymshasyndaǵy aqparat Densaýlyq saqtaý ministrliginiń jalpy bazasymen integratsiia arqyly keledi jáne jolaýshynyń qazirgi ýaqytta virýstyń tasymaldaýshysy bolyp tabylmaityndyǵyn anyqtaidy.
Kidiris jasamaý úshin qosymshany aldyn-ala ornatyp, mártebeńizdi aldyn-ala bilýińiz kerek. «Áýejai qyzmetkerleriniń ailaq ǵimaratyna kire beriste planshetteri bar. Smartfondary joq jolaýshylar óz JSN-in qyzmetkerlerdiń planshetine engizip, óz mártebesin bile alady. JSN joq sheteldik jolaýshylarǵa keletin bolsaq, olar ózderiniń mártebesin áýejai qyzmetkerleriniń planshetine tólqujat nómirin arqyly teksere alady.
