Almaty qalasy boiynsha Taýarlar men qyzmetterdiń sapasy men qaýipsizdigin baqylaý departamentiniń bas mamany Gúlnar Mádimarova qala turǵyndaryna ashyq dalada jáne fitnes ortalyqtarda jattyǵý kezinde neni eskerý kerektigin aityp, birqatar usynystar men keńester berdi, dep habarlaidy QazAqparat.
«Ashyq aspan aiasynda sportpen shuǵyldaný kezinde koronavirýs infektsiiasyn juqtyrmaý maqsatynda jattyǵýshylar arasynda keminde 2 metr áleýmettik qashyqtyq saqtalýy qajet. Jattyǵý kezinde bailanys jasaýdan aýlaq bolý kerek, sporttyq jabdyqtardy (kilemshelerdi) paidalanǵannan keiin jýyp, dezinfektsiialaý qajet», - dep keńes berdi Gúlnar Madimarova.
Sonymen qatar, ol fitnes-ortalyqtardyń jumysy qalai júzege asyrylatynyn túsindirdi. Almaty qalasynyń Bas memlekettik sanitar dárigeriniń qaýlysyna sáikes, sporttyq-saýyqtyrý ortalyqtary infokazakhstan.kz portaly arqyly nysannyń daiyndyǵy týraly habarlama berip, komissiianyń oń qorytyndysyn alǵannan keiin óz qyzmetterin qalpyna keltire alady.
«Fitnes ortalyqtarǵa qoiylatyn talap, 1 adamǵa 5 sharshy metr oryn bolýy tiis. Bul ortalyqqa kelýshiler sany 50% -dan aspaidy degendik. Ortalyq jumysyn aldyn ala jazylý boiynsha uiymdastyrý kerek. Sport jabdyqtaryn, trenajerlerdi keminde 2 metr qashyqtyqta ornalastyrý shart. Toptyq sabaqtar kezinde belgiler qoiý arqyly oqýshylar arasyndaǵy áleýmettik qashyqtyqty saqtaýdy qamtamasyz etý qajet. Jalpy alǵanda, jattyǵý kezinde sportshylar arasyndaǵy ózara qarym-qatynasty azaitý kerek. Bakteritsidti shamdar men aýa retsirkýliatorlaryn qoldanǵan jón», - dedi Gúlnar Mádimarova.
Sondai-aq, ol kelýshilerge koronavirýs infektsiiasyn juqtyrýdyń aldyn alý maqsatynda, ár 2 saǵat saiyn oqý-jattyǵý protsesi ótkiziletin jumys oryndary men ǵimaratty jeldetý qajet ekenin atap ótti. Ǵimarattyń aýdanyna bailanysty qyzmetkerlerdiń klienttermen tikelei bailanysyn barynsha azaitý, sport sabaqtaryn ótkizýdi qospaǵanda, kelýshilerdiń maska taǵyp júrýin qamtamasyz etý kerek.
«Óndiristik jáne turmystyq ǵimarattarǵa ár 3 saǵat saiyn ylǵaldy sanitariialyq tazalaý jumystaryn júrgizý mindetteledi. Atap aitqanda, esiktiń tutqalary, elektr sóndirgishterdi, súienishterdi, sporttyq jabdyqtardy, ústelderdi, oryndyqtardy, kiim iletin oryndardy, tamaqtaný, demalys bólmelerin, sanitarlyq bólmelerdi mindetti túrde dezinfektsiialaý qajet», – dep qortyndylady epidemiolog.
