QR Aýyl sharýashylyǵy vitse-ministri Gúlmira Isaeva Qazaqstanda qus tumaýy qalai órship ketkenin aityp berdi, dep habarlaidy "Ult aqparat".
«Epizootiialyq zertteý jumystary kórsetkendei, aldymen, soltústikten ońtústikke kóship bara jatqan jabaiy qustardyń ólimi tirkelgen. Aýrý ortaq sý qoimasyn paidalanýdan kelgen. Laboratoriialyq zertteý jumystary júrgizilgennen keiin, qustardyń qandai diagnozdan qyrylǵany belgili boldy – ol joǵary patogendi qus tumaýy. Monitoring barysynda jabaiy qustardyń (aqqýlar men úirekterdiń), qarǵalar men saýysqandardyń, kógershinderdiń qyrylǵany anyqtaldy», - dedi ol búgin OKQ-da ótken baspasóz máslihatynda.
Vitse-ministrdiń aitýynsha, Petropavldaǵy ortalyq baqta qyrylǵan qarǵalar, saýysqandar men kógershinder jinalyp alynyp, órtelgen.
