قر اۋىل شارۋاشىلىعى ۆيتسە-مينيسترٸ گٷلميرا يساەۆا قازاقستاندا قۇس تۇماۋى قالاي ٶرشٸپ كەتكەنٸن ايتىپ بەردٸ, دەپ حابارلايدى "ۇلت اقپارات".
«ەپيزووتييالىق زەرتتەۋ جۇمىستارى كٶرسەتكەندەي, الدىمەن, سولتٷستٸكتەن وڭتٷستٸككە كٶشٸپ بارا جاتقان جابايى قۇستاردىڭ ٶلٸمٸ تٸركەلگەن. اۋرۋ ورتاق سۋ قويماسىن پايدالانۋدان كەلگەن. لابوراتورييالىق زەرتتەۋ جۇمىستارى جٷرگٸزٸلگەننەن كەيٸن, قۇستاردىڭ قانداي دياگنوزدان قىرىلعانى بەلگٸلٸ بولدى – ول جوعارى پاتوگەندٸ قۇس تۇماۋى. مونيتورينگ بارىسىندا جابايى قۇستاردىڭ (اققۋلار مەن ٷيرەكتەردٸڭ), قارعالار مەن ساۋىسقانداردىڭ, كٶگەرشٸندەردٸڭ قىرىلعانى انىقتالدى», - دەدٸ ول بٷگٸن وكق-دا ٶتكەن باسپاسٶز مەسليحاتىندا.
ۆيتسە-مينيستردٸڭ ايتۋىنشا, پەتروپاۆلداعى ورتالىق باقتا قىرىلعان قارعالار, ساۋىسقاندار مەن كٶگەرشٸندەر جينالىپ الىنىپ, ٶرتەلگەن.
