Kaspii teńizinde shaiandardyń jappai qyrylýy tirkelgen bolatyn. Osy máselege qatysty búgin Aýyl sharýashylyǵy ministrligi túsinikteme berdi.
"Balyq resýrstary men basqa da sý janýarlarynyń qaýip-qateri jáne (nemese) qyrylýy anyqtalǵan kezde ózara is-qimyl shemasyna sáikes Jaiyq-Kaspii oblysaralyq basseindik balyq sharýashylyǵy inspektsiiasymen múddeli memlekettik organdarǵa habarlanǵanyn málimdeimiz", - delingen habarlamada.
Osyǵan orai shuǵyl túrde Mańǵystaý oblysy boiynsha balyq inspektsiiasy basqarmasynyń memlekettik inspektorlary Mańǵystaý oblysy boiynsha ekologiia departamentiniń ókilderimen birge shaiandardyń boljamdy qyrylý ornyna bardy.
"Aýa-raiyna bailanysty (daýyl, lai sý) shaiandardyń qyrylǵan jerin kózben anyqtaý múmkin bolmady", - dep habarlady AShM.
Ekologiia departamenti zerthanalyq zertteýler úshin sý synamalary alyndy. Ekolog mamandardyń aitýynsha, monitoring jalǵasady, aqparat daýyl aiaqtalǵannan keiin qosymsha tekseriletin bolady.
