2021 jyldyń birinshi jartyjyldyǵynda QR Aaýyl sharýashylyǵy ministrliginiń memlekettik inspektorlary 92 mln. teńgeden astam somaǵa aiyppul saldy.
Fitosanitariialyq baqylaý júrgizý barysynda ósimdikter karantini salasynda 1 723 buzýshylyq anyqtaldy, dep habarlaidy "Ult aqparat" QR Aýyl sharýashylyǵy ministrliginiń bapasóz qyzmetine silteme jasap.
Onyń ishinde eń kóp taralǵandary - ónimdi fitosanitariialyq sertifikatsyz alyp júrý. Sonymen qatar, qaptamada tańbalaýdyń bolmaýy, fitosanitarlyq sertifikat talaptaryna sáikes kelmeý jáne fitosanitarlyq talaptardyń buzylýy faktileri tirkelgen. 150 jaǵdaida karantindik nysandar anyqtalǵan.
403 jaǵdaida karantinge jatqyzylǵan ónim eksporttaýshy elge qaitaryldy, taǵy 8-i joiyldy.
Sonymen qatar, 1 406 jeke jáne zańdy tulǵalar ákimshilik jaýapqa tartylyp, 92 401 241,0 teńge kóleminde aiyppul salyndy.
Ázerbaijan elinen jetkizilgen qyzanaq jemisterine karantindik fitosanitariialyq baqylaý júrgizý kezinde 17 jaǵdaida Tomato brown rugose cfruit virus (ToBRFV) virýsy anyqtaldy. Osyǵan bailanysty Komitet tarapynan Ázerbaijan aýmaǵynan qyzanaq jemisterin ákelýge shekteý túrinde ýaqytsha karantindik fitosanitariialyq shara engizildi.
Zańnamalardy basshylyqqa ala otyryp jáne Ázerbaijan respýblikasynyń Azyq-túlik qaýipsizdigi jónindegi agenttiginen kelip túsken karantinge jatqyzylǵan ónimdi Qazaqstan Respýblikasynyń aýmaǵyna ákelýdiń aldyn alý boiynsha qabyldanǵan jáne qabyldanatyn sharalar týraly aqparaty nazarǵa alynyp, 2021 jylǵy 21 qańtardan bastap osy shekteý alynyp tastaldy.
Sondai-aq, jyl basynan beri Túrikmenstannyń ósimdikter karantini jónindegi memlekettik qyzmetiniń fitosanitariialyq sertifikattarynyń súiemeldeýimen Qazaqstanǵa jetkiziletin qyzanaqtarǵa karantindik fitosanitariialyq baqylaý júrgizý kezinde «qońyr ájim» virýsynyń (Tomato brown rugose fruit virus (ToBRFV) 19 deregi anyqtalǵan.
Karantindik obektilerdiń júieli túrde anyqtalýyna jáne EAEO biryńǵai karantindik fitosanitariialyq talaptarynyń buzylýyna bailanysty, QR AShM agroónerkásip kesheni memlekettik inspektsiia komiteti 2021 jyldyń 7-maýsymynan bastap Túrkmenstan aýmaǵynan qyzanaq pen burysh ónimderin ákelýge tyiym salý túrinde ýaqytsha karantindik fitosanitariialyq sharalardy engizdi.
