Aýyl sharýashylyǵy vitse-ministri Aidarbek Saparovtyń aitýynsha Soltústik Qazaqstan, Qaraǵandy, Pavlodar, Túrkistan oblystarynda esepten shyǵarý qarqyny tómen bolyp otyr, dep habarlaidy QazAqparat.
«Elbasynyń tapsyrmasyna sáikes AÓK-tegi eńbek ónimdiligin 5 jyl aralyǵynda keminde 2,5 ese ulǵaitý qajet. Ónimdilikti birinshi kezekte agrarshylardy tehnikalyq qaita jaraqtandyrý arqyly arttyrý qajet. 2019 jyly eń tómengi tehnologiialyq deńgei 6 paiyz bolǵanda jańartýdyń ortasha deńgeii 4 paiyzǵa jetti. Qaraǵandy (4,6%), Aqmola (4,5%), Jambyl (4,4%), Shyǵys Qazaqstan jáne Aqtóbe (4,3%) oblystarynyń tehnikany jańartý deńgeiiniń qarqyny jaqsy ekenin atap ótý qajet. Áitse de Almaty jáne Túrkistan oblystarynda tehnikany jańartýdyń tómen qarqyny baiqalady (2,8% jáne 1,8%)», - dedi vitse-ministr vedomstvonyń alqa májilisinde.
Aidarbek Saparov, sonymen qatar, respýblika boiynsha esepten shyǵarýǵa jatatyn aýyl sharýashylyǵy tehnikasy parkiniń joǵary deńgeii baiqalady. Bul mashina-traktor parkin jańartý qarqynyn tómendetedi.
«Atalǵan baǵytta Qostanai, Batys Qazaqstan, Jambyl oblystary jumystaryn kórsetti. Soltústik Qazaqstan, Qaraǵandy, Pavlodar, Túrkistan oblystarynda esepten shyǵarý qarqyny tómen. Tozý deńgeii 80 paiyzdy quraityn eski tehnikany esepten shyǵarmai, jańartý deńgeiin kótere almaimyz. Óitkeni satyp alynatyn tehnika jalpy parktiń ishinde kórinbeidi», - dedi ol.
