Máýlen Áshimbaev Senatta Túrkiia Uly Ulttyq jinalysynyń Tóraǵasy Mustafa Shentoppen kezdesti. Senat Tóraǵasy kezdesý barysynda Qazaqstan men Túrkiia arasyndaǵy qarym-qatynas strategiialyq áriptestikke, sondai-aq tarih, mádeniet jáne tilderdiń ortaqtyǵyna negizdelgenin atap ótti, dep habarlaidy "Ult aqparat".
Máýlen Áshimbaev Qazaqstan Prezidenti Qasym-Jomart Toqaev men Prezidenti Túrkiia pen Rejep Taiyp Erdoǵan eki eldiń ózara qarym-qatynasyn damytýǵa erekshe nazar aýdaryp otyrǵanyn atap ótti. Tuńǵysh Prezident – Elbasy Nursultan Nazarbaev memleketterimiz arasyndaǵy baýyrlastyq bailanystardy odan ári nyǵaitýǵa basa kóńil bólip keledi.
Taraptar yntymaqtastyqtyń qazirgi joǵary deńgeiin ekijaqty jáne kópjaqty sipattaǵy parlamenttik diplomatiia aiasynda nyǵaitýdy jalǵastyrý mańyzdy degen ortaq pikirge keldi.
«Aldaǵy kezeńde bizge eki el parlamentteri arasyndaǵy ózara qarym-qatynasty nyǵaitýdyń mańyzy zor. Biz salalyq komitetterdiń yntymaqtastyq toptarynyń kezdesýlerin turaqty ótkizip, dóńgelek ústelder uiymdastyryp, zańnamalyq tájiribemen bólise alamyz. Mundai alańdarda ekijaqty qarym-qatynastardy damytý men halyqaralyq kún tártibi boiynsha ortaq usynystardy talqylaýǵa jáne qalyptastyrýǵa bolady», - dedi Máýlen Áshimbaev.
Taraptar áńgime barysynda logistika, tsifrlyq tehnologiia, ǵarysh, týrizm, mádeniet, bilim berý jáne saýda-ekonomikalyq qatynastar salalaryndaǵy áriptestikti damytýdyń keleshegin talqylady.
Senat Tóraǵasy Máýlen Áshimbaev kezdesý sońynda Qazaqstan men Túrkiia arasyndaǵy dostyq qarym-qatynastardy nyǵaitýǵa qosqan zor úlesi úshin áriptesine alǵys aityp, bul sapar parlamentaralyq yntymaqtastyqqa jańa serpin beretinine senim bildirdi.
