Foto: senate.parlam.kz
Senat tóraǵasy Máýlen Áshimbaev Ulttyq mýzei atriýmynan Nursultan Nazarbaev músininiń alynýyna qatysty pikir bildirdi, dep habarlaidy Kaiznform agenttigi.
Áshimbaev tilshiler suraǵyna jaýap berý kezinde Ulttyq mýzeiden (Nursultan Nazarbaevtyń) eskertkish alynǵanyn estimegenin aitty.
«Sizderden estip jatyrmyn. Biz plenarlyq otyrysta boldyq. Jańalyqtardy áli kórmedik. Endi ondai sheshim qabyldansa, Ulttyq mýzeidiń basshylyǵynyń sheshimi shyǵar dep oilaimyn. Sondyqtan munda Ulttyq mýzeidiń basshylyǵynyń ustanymdaryna sáikes, ondaǵy ekspozitsiialardy jańartýǵa bailanysty osyndai sheshim qabyldaǵan shyǵar. Sondyqtan bul máselege bailanysty suraǵyńyzdy Ulttyq mýzeige joldasańyz durys bolady», - dedi Áshimbaev.
Budan buryn habarlanǵandai, Ulttyq mýzei atriýmynan Nursultan Nazarbaevtyń músini alynyp tastaldy.
«Eskertkishke keletin bolsaq, bul eksponat mýzei múlki bolyp sanalady jáne atriým tujyrymdamasynyń ózgerýine bailanysty mýzei qorynda turaqty saqtaýda bolady. Mýzeidiń damýyna qyzyǵýshylyq tanytyp, onyń is-sharalary, aktsiialary men kórmelerine nazar aýdaratyn qazaqstandyqtardyń, blogerler men jýrnalisterdiń ustanymy mýzei qyzmetkerlerin qýantady. Mýzei keńistiginde bolatyn aldaǵy ózgerister men jańartýlardy jáne kórme zaldarynyń kórkemdik-stildik sheshimderin qalyń jurtshylyq joǵary baǵalaidy dep senemiz», - deidi Ulttyq mýzei ókilderi.
