Senat Tóraǵasy Máýlen Áshimbaev qazaqstandyqtardy Memlekettik rámizder kúnimen quttyqtady, dep habarlaidy "Ult aqparat".
«Barshańyzdy Memlekettik rámizder kúnimen quttyqtaimyn!
Bul – eldik pen egemendikti dáripteitin, ulttyń rýhyn asqaqtatyp, otanshyldyq sezimin arttyratyn airyqsha mereke.
Bizdiń Týymyz, Eltańbamyz jáne Ánuranymyz Táýelsizdigimizdiń negizgi nyshany, memlekettiligimizdiń basty belgisi. Byltyr Prezidentimiz Qasym-Jomart Kemeluly Toqaev Memlekettik týdy keńinen qoldanýǵa qatysty azamattardyń usynysyna qoldaý bildirgeni belgili. Sonyń nátijesinde tiisti sheshimder qabyldanyp, kók bairaǵymyzdy paidalaný aiasy keńeitildi. Munyń ózi táýelsizdigimizdi nyǵaitý jolyndaǵy qadamdardyń biri ekeni sózsiz.
Ultty ortaq múddege uiystyratyn mereke qutty da uzaǵynan bolsyn. Táýelsiz Qazaq eli jasai bersin!», - dep jazdy Máýlen Áshimbaev Facebook-tegi paraqshasynda.
