«Nur Otan» partiiasy Tóraǵasynyń birinshi orynbasary Máýlen Áshimbaev partiianyń respýblikalyq qoǵamdyq qabyldaý bólmesinde azamattardy qabyldady, dep habarlaidy "Ult aqparat".
«Kópbalaly analar men áleýmettik az qamtylǵan otbasylarǵa qoldaý kórsetý, halyqtyń ál-aýqatyn arttyryp, osy baǵyttaǵy ózekti máselelerdiń oń sheshilýine yqpal etý - «Nur Otan» partiiasynyń jumysyndaǵy negizgi basymdyq. Óitkeni bul - Elbasy, partiia Tóraǵasynyń tikelei tapsyrmasy. Soǵan sáikes «Halyqqa kómek» jobasy qolǵa alynyp, tyń bastamalar júzege asyryla bastady. Sondyqtan búgin partiianyń respýblikalyq qoǵamdyq qabyldaý bólmesinde azamattardy qabyldaǵan Máýlen Áshimbaev osy salaǵa erekshe nazar aýdardy», - delingen partiianyń Feisbýktegi paraqshasynda jariialanǵan aqparatta.
Qabyldaýǵa kelgenderdiń qatarynda kún kóris deńgeiine bailanysty memleket tarapynan kórsetiletin ataýly áleýmettik kómek alýǵa járdemdesýdi, jeke turǵyn úi salý úshin qoldaý kórsetýdi, baspanamen qamtý máselesine qatysty qol ushyn sozýdy ótingen jáne materialdyq kómek surai kelgen kóp balaly, jalǵyzbasty analar boldy. Sondai-aq jumyspen jáne aýylyn aýyz sýmen qamtý máselesi boiynsha járdem suraǵan azamattardyń da ótinishteri tyńdaldy.
Máýlen Áshimbaev olardyń barlyǵyna «Halyqqa kómek» jobasy aiasynda zań sheńberinde tiisti kómek kórsetiletinin aityp, partiianyń birqatar aimaqtyq filialdaryna naqty tapsyrmalar berdi. Óz kezeginde filial tóraǵalarynyń birinshi orynbasarlary atalǵan máselelerdi oń sheshýdiń tiimdi tetikterin qarastyryp qoiǵanyn jetkizdi. Sondyqtan kóp balaly analardyń máseleleri kóp uzamai oń sheshimin tabady deýge tolyq negiz bar. Al eki qolyna bir kúrek taba almai júrgen jas mamannyń máselesi sol arada sheshilip, onyń turaqty jumysqa ornalasqanyn erekshe atap ótken jón.
.jpeg)