«Nur Otan» partiiasy tóraǵasynyń birinshi orynbasary Máýlen Áshimbaev Qazaqstan halqyn Naýryz meiramymen quttyqtady.
"Qurmetti dostar!
Barshańyzdy Ulystyń uly kúni – Naýryz meiramymen shyn júrekten quttyqtaimyn!
Biylǵy Naýryzdyń Qazaq eli úshin máni men mańyzy erekshe. Sebebi, Elbasynyń kúni keshegi tarihi sheshimimen elimizde jańa jylmen qatar damýdyń jańa kezeńi bastaldy. Bul kezeńde de Elbasynyń strategiialyq baǵytynyń aiasynda jańa biikterdi baǵyndyramyz dep senemin.
Bir kezderi Keńes ideologiiasynyń birjaqty saiasatynyń saldarynan halqymyzdyń rýhani tamyrynan nár alatyn tól merekemizdi laiyqty deńgeide toilai almai keldik. Tek Táýelsizdigimiz ben Elbasy saiasatynyń arqasynda Naýryz jalpyhalyqtyq meiramǵa ainaldy.
Bul kúni halqymyzdyń salt-dástúrleri men ádet-ǵuryptary tórge shyǵady. Sondyqtan Naýryzdy ulttyq kodymyzdy saqtap, ulttyq qundylyqtarymyzdy dáripteýge de úlken úlesin qosatyn meiram dep qabyldaimyz.
El tarihyndaǵy jańa kezeńmen qatar kelgen jańa jylymyz qutty bolsyn! Jańa jyl ár qazaqstandyq shańyraqqa shattyq pen baqyt ákelsin! Elimiz aman, jurtymyz tynysh bolyp, táýelsiz Qazaq eli máńgi jasai bersin!
Ulys oń, aq mol bolsyn, aǵaiyn!", - dep jazdy ol Feisbýk áleýmettik jelisindegi paraqshasynda.
