QR Parlamenti Senatynyń tóraǵasy Máýlen Áshimbaev barsha qazaqstandyqty Táýelsizdik kúnimen quttyqtady, dep habarlaidy "Ult aqparat".
«Barshańyzdy Táýelsizdik kúnimen shyn júrekten quttyqtaimyn. Bul kún – eńseli eldik pen asqaq rýhtyń merekesi. Erkindik pen egemendiktiń jarshysy. Sondyqtan onyń Qazaqstan halqy úshin mańyzy zor, mártebesi biik. Shyn máninde, egemendik – bizdiń eń basty qundylyǵymyz. Táýelsizdiktiń arqasynda tilimiz ben dilimizdi, tarihymyz ben dástúrimizdi, mádenietimiz ben rýhaniiatymyzdy jańǵyrttyq. Elbasynyń strategiialyq saiasaiatynyń nátijesinde ekonomikamyzdy órkendetip, dúnie júzi moiyndaǵan tuǵyrly memleketke ainaldyq», - dep jazdy Senat tóraǵasy.
Sonymen qatar ol babadan miras bolǵan ulan-ǵaiyr jerimiz ben táýelsiz elimizdi qorǵap, keler urpaqqa amanat etip tapsyrý – ár qazaqstandyqtyń Otan aldyndaǵy qasietti boryshy ekenin basa aitady.
«Búginde Memleket basshysynyń bastamasymen qolǵa alynyp jatqan mańyzdy reformalardyń barlyǵy osyndai maqsat-mindetke taban tireidi. Ekonomikalyq órleý jáne áleýmettik damý jolyndaǵy igilikti isterdiń bári Táýelsizdikti nyǵaitý úshin jasalǵan naqty qadam ekeni sózsiz. Qazirgidei syn-qaterler zamanynda memlekettilikti saqtaýdyń, birtutastyqty bekemdeýdiń, ulttyq tamyrdan ajyramaýdyń qanshalyqty mańyzdy ekenin bárimiz kórip otyrmyz. Sondyqtan Táýelsizdiktiń qadir-qasietine tereń mán berip, onyń baiandy bolýyna bárimiz atsalysýymyz qajet. Aldaǵy ýaqytta qazaqtyń abyroi-bedeli budan da aspandap, rýhymyz asqaqtai túserine eshqandai kúmán joq. Osy jolda judyryqtai jumylyp eńbek eteiik. Táýelsizdikti saqtaýǵa óz úlesimizdi qosaiyq. Barshańyzdy ultymyzdyń eń ulyq merekesimen quttyqtai otyryp, ár shańyraqqa shattyq, elimizge amandyq, jerimizge tynyshtyq tileimin! Táýelsizdigimiz tuǵyrly, eldigimiz irgeli bolsyn! Qazaq eli máńgilik jasai bersin!», - dedi Máýlen Áshimbaev.
