Foto: pexels
Senat tóraǵasy Máýlen Áshimbaev atom elektr stantsiiasyn salyp-salmaý týraly sheshim referendým nátijesi boiynsha qabyldanatynyn aitty, dep habarlaidy Sputnik Qazaqstan.
Spikerdiń aitýynsha, jekelegen adamdardyń halyq AES-ke qarsy dep aitýǵa eshqandai quqyǵy joq.
"Men de, siz de, basqa da adamdar halyq qarsy dep aitýǵa eshqandai quqyǵy joq. Halyq qarsy ma, halyq qoldai ma, ol respýblikalyq referendým arqyly sheshiledi. Ýaqytyn Úkimet anyqtaidy. Sol referendýmda halyq óziniń jaýabyn aitady. Biraq siz de, men de shyǵyp búkil halyqtyń atynan sóileýge quqyǵymyz joq", - dedi Áshimbaev Senat kýlýarynda.
Spiker referendým aldynda ártúrli pikirdiń aitylýyna múmkindik jasalatynyn, Úkimet te, AES-ke qarsy adamdar da óz ustanymyn jariia etetinin atap ótti.
"Onyń barlyǵy durys. Biraq naqty sońǵy sheshimdi halyq referendýmda qabyldaidy. Sondyqtan qazir referendým ótpei turyp, halyq qarsy, ne jaqtaidy dep aita almaimyz. Óitkeni referendým ótýi kerek, sonyń nátijesi boiynsha tiisti sheshim qabyldanady. Bul jerde halyq qalai aitady, solai bolatyny anyq", - dep atap ótti Áshimbaev.
Prezident Qasym-Jomart Toqaev halyqqa Joldaýynda atom elektr stantsiiasyn salý máselesin jalpyhalyqtyq referendýmǵa shyǵarýdy tapsyrǵan edi.
