فوتو: pexels
سەنات تٶراعاسى مەۋلەن ەشٸمباەۆ اتوم ەلەكتر ستانتسيياسىن سالىپ-سالماۋ تۋرالى شەشٸم رەفەرەندۋم نەتيجەسٸ بويىنشا قابىلداناتىنىن ايتتى, دەپ حابارلايدى Sputnik قازاقستان.
سپيكەردٸڭ ايتۋىنشا, جەكەلەگەن ادامداردىڭ حالىق اەس-كە قارسى دەپ ايتۋعا ەشقانداي قۇقىعى جوق.
"مەن دە, سٸز دە, باسقا دا ادامدار حالىق قارسى دەپ ايتۋعا ەشقانداي قۇقىعى جوق. حالىق قارسى ما, حالىق قولداي ما, ول رەسپۋبليكالىق رەفەرەندۋم ارقىلى شەشٸلەدٸ. ۋاقىتىن ٷكٸمەت انىقتايدى. سول رەفەرەندۋمدا حالىق ٶزٸنٸڭ جاۋابىن ايتادى. بٸراق سٸز دە, مەن دە شىعىپ بٷكٸل حالىقتىڭ اتىنان سٶيلەۋگە قۇقىعىمىز جوق", - دەدٸ ەشٸمباەۆ سەنات كۋلۋارىندا.
سپيكەر رەفەرەندۋم الدىندا ەرتٷرلٸ پٸكٸردٸڭ ايتىلۋىنا مٷمكٸندٸك جاسالاتىنىن, ٷكٸمەت تە, اەس-كە قارسى ادامدار دا ٶز ۇستانىمىن جارييا ەتەتٸنٸن اتاپ ٶتتٸ.
"ونىڭ بارلىعى دۇرىس. بٸراق ناقتى سوڭعى شەشٸمدٸ حالىق رەفەرەندۋمدا قابىلدايدى. سوندىقتان قازٸر رەفەرەندۋم ٶتپەي تۇرىپ, حالىق قارسى, نە جاقتايدى دەپ ايتا المايمىز. ٶيتكەنٸ رەفەرەندۋم ٶتۋٸ كەرەك, سونىڭ نەتيجەسٸ بويىنشا تيٸستٸ شەشٸم قابىلدانادى. بۇل جەردە حالىق قالاي ايتادى, سولاي بولاتىنى انىق", - دەپ اتاپ ٶتتٸ ەشٸمباەۆ.
پرەزيدەنت قاسىم-جومارت توقاەۆ حالىققا جولداۋىندا اتوم ەلەكتر ستانتسيياسىن سالۋ مەسەلەسٸن جالپىحالىقتىق رەفەرەندۋمعا شىعارۋدى تاپسىرعان ەدٸ.
