"Asfalt eshqashan bolmaǵan siiaqty": Ainur Tursynbaeva Demeý Jadyraevtyń úiin kórsetti

Belgili aitysker aqyn Ainur Tursynbaeva Parij Olimpiadasynyń kúmis júldegeri Demeý Jadyraevtyń týǵan aýylyn kórsetti.

Aitysker aqyn chempionǵa jankúier bolǵan jerlesterin kópshilikke úlgi etti.  

"Demeýdiń týǵan jeri Úsharal halqynyń mahabbatyn qarańyzdarshy?! "Balasy atqa shapsa anasy taqymyn qysady" degen osy... Búkil álem kóz tigip otyrǵan jarysta ekinshi bolý úlken mártebe! Kúmis qutty bolsyn!" – dep jazdy aitysker aqyn. 

Óner iesi chempionnyń týǵan jeri men úiin kórsetip, úndeý jasady. 

"Demeý baýyrymyzdyń jarysyn bárimiz kúttik qoi. Olimpiadanyń kúmisi buiyrǵan eken, qutty bolsyn! Úsharal halqy alańǵa shyǵyp osy jarysty tamashalaǵan eken... Chempion uldardyń aýylyna jasalǵan jaǵdai bizge de jasala ma degen úmit te bar edi ǵoi... Osyndai batyr uldyń aýylyna da asfalt tósep, Jetisý jurty tik turyp qarsy alǵaly jatqan shyǵar... Medal qutty bolsyn qazaq eli", – dedi sýyrypsalma aqyn qyz. 

Eske salaiyq, Demeý Jadyraev Parijdegi olimpiada oiyndarynyń finalynda ese jiberip, kúmis júldeger atandy. 77 keli salmaqta synǵa túsken balýanymyz finalda japondyq balýan Nao Kýsakamen beldesip, 5:2 esebimen utylyp qalǵan edi.