Elorda basshysy Áset Isekeshev «Belsendi azamat-2018» syilyǵynyń iegerlerin marapattady, dep habarlaidy «QazAqparat».
Qala ákimi belsendi azamattardy halyqqa esep berý kezdesýi barysynda marapattady.
«Osy oraidy paidalanyp, Astanada jumys berý jaǵdaiy men jailylyqty arttyrýda usynys bildirgen, janashyrlyq tanytqan elordanyń turǵyndaryna alǵys aitamyz. Osynyń arqasynda birqatar joba júzege asyryldy. Sondyqtan, elordanyń damýyna óz oilarymen úles qosqan eń belsendi azamattardy marapattaýdy jón kórdik», - dedi Áset Isekeshev.
Osylaisha, Parlament Májilisiniń burynǵy depýtaty, búginde ózin belsendi bloger retinde tanytyp júrgen Táńirbergen Berdiońǵarov, «Arbat Astana» jobasynyń avtory Arai Ordabaeva, «Ákeler odaǵy» qozǵalysynyń burynǵy tóraǵasy Qýanysh Jumataev, belsendiler Qarlyǵash Nábiýlina, Janna Qurmanbaeva, ákimniń keńesshisi Murat Ádbimomynov qala basshysynyń qolynan marapat aldy. Astana ákiminiń halyqqa esep berý kezdesýi "Astana" kontsert zalynda (burynǵy Kongress-Holl saraiy) ótti.
