Búgin Úkimet otyrysynda QR Ulttyq ekonomika ministri Áset Erǵaliev Prezident bastamalaryn júzege asyrý joldaryn baiandady, dep habarlaidy QazAqparat.
«Halqymyzdyń ál-aýqatyn arttyrýǵa baǵyttalǵan Memleket basshysynyń 5 bastamasyn iske asyrý maqsatynda kelesi is-sharalardy júzege asyrý kózdeledi. Birinshi, 2022 jylǵy 1 qańtardan bastap eń tómengi jalaqy 60 myń teńgege deiin kóteriledi. Ekinshi bastama, biznesti jumysshylarynyń eńbekaqysyn kóbeitýge yntalandyrý boiynsha is-sharalar ázirlenedi», - dedi ministr.
Onyń atap ótýinshe, úshinshi bastama aiasynda mikro jáne shaǵyn kásipkerlik úshin eńbekaqy tóleý qorynan biryńǵai tólem engizý josparlanǵan. Bul jiyntyq bizneske salmaqty 34 paiyzdan 25 paiyzǵa tómendetýge mýmkindik beredi. Al tórtinshi bastamada 2022 jyldan 2025 jylǵa deiin jekelegen sanattaǵy azamattyq qyzmetkerlerdiń jalaqysyn jyl saiyn orta eseppen 20 paiyzǵa ulǵaitý kózdeledi.
«Besinshi bastamada zeinetaqy jinaǵynyń jetkilikti mólsheriniń sheginen asatyn bóligin turǵyn-úi satyp alý úshin «Otbasy» bankindegi esepshotyna aýdarýǵa ruqsat berý múmkindigi beriledi», - dedi Áset Erǵaliev.
