بٷگٸن ٷكٸمەت وتىرىسىندا قر ۇلتتىق ەكونوميكا مينيسترٸ ەسەت ەرعاليەۆ پرەزيدەنت باستامالارىن جٷزەگە اسىرۋ جولدارىن باياندادى, دەپ حابارلايدى قازاقپارات.
«حالقىمىزدىڭ ەل-اۋقاتىن ارتتىرۋعا باعىتتالعان مەملەكەت باسشىسىنىڭ 5 باستاماسىن ٸسكە اسىرۋ ماقساتىندا كەلەسٸ ٸس-شارالاردى جٷزەگە اسىرۋ كٶزدەلەدٸ. بٸرٸنشٸ, 2022 جىلعى 1 قاڭتاردان باستاپ ەڭ تٶمەنگٸ جالاقى 60 مىڭ تەڭگەگە دەيٸن كٶتەرٸلەدٸ. ەكٸنشٸ باستاما, بيزنەستٸ جۇمىسشىلارىنىڭ ەڭبەكاقىسىن كٶبەيتۋگە ىنتالاندىرۋ بويىنشا ٸس-شارالار ەزٸرلەنەدٸ», - دەدٸ مينيستر.
ونىڭ اتاپ ٶتۋٸنشە, ٷشٸنشٸ باستاما اياسىندا ميكرو جەنە شاعىن كەسٸپكەرلٸك ٷشٸن ەڭبەكاقى تٶلەۋ قورىنان بٸرىڭعاي تٶلەم ەنگٸزۋ جوسپارلانعان. بۇل جيىنتىق بيزنەسكە سالماقتى 34 پايىزدان 25 پايىزعا تٶمەندەتۋگە مۋمكٸندٸك بەرەدٸ. ال تٶرتٸنشٸ باستامادا 2022 جىلدان 2025 جىلعا دەيٸن جەكەلەگەن ساناتتاعى ازاماتتىق قىزمەتكەرلەردٸڭ جالاقىسىن جىل سايىن ورتا ەسەپپەن 20 پايىزعا ۇلعايتۋ كٶزدەلەدٸ.
«بەسٸنشٸ باستامادا زەينەتاقى جيناعىنىڭ جەتكٸلٸكتٸ مٶلشەرٸنٸڭ شەگٸنەن اساتىن بٶلٸگٸن تۇرعىن-ٷي ساتىپ الۋ ٷشٸن «وتباسى» بانكٸندەگٸ ەسەپشوتىنا اۋدارۋعا رۇقسات بەرۋ مٷمكٸندٸگٸ بەرٸلەدٸ», - دەدٸ ەسەت ەرعاليەۆ.
