Qańtarda qurylys salasyna tartylǵan investitsiia 2,3 ese artty. Bul týraly búgin Úkimet otyrysynda QR Ulttyq ekonomika ministri Áset Erǵaliev aitty, dep habarlaidy "Ult aqparat".
«Ekonomika salalarynyń kóbinde negizgi kapitalǵa investitsiialar serpindi qarqynmen ósýde. Ken óndirý ónerkásibin esepke almaǵanda, investitsiialardyń ortasha ósýi 25,5 paiyzdy qurady. Investitsiianyń aitarlyqtai ósýin qurylys – 2,3 ese, óńdeý ónerkásibi – 2,2 ese, aýyl sharýashylyǵy – 1,7 ese, kólik – 34, aqparat jáne bailanys – 25, jyljymaityn múlikpen operatsiialar – 18 paiyz deńgeiinde kórsetti», - dedi ol.
Ministrdiń aitýynsha, investitsiialar boiynsha 13 óńir ósim kórsetti. Eń joǵary kórsetkishter Túrkistan oblysynda jáne Shymkent qalasynda tirkeldi.
«4 óńir tómendeý kórsetti. Olar Shyǵys Qazaqstan, Batys Qazaqstan, Atyraý jáne Mańǵystaý oblystary», - dedi Áset Erǵaliev.
