Ortalyq jáne jergilikti atqarýshy organdar syrtqy jáne ishki investitsiia tartý boiynsha úilestirilgen jumys júrgizýi qajet. Bul týraly búgin Úkimet otyrysynda QR Ulttyq ekonomika ministri Áset Erǵaliev aitty, dep habarlaidy QazAqparat.
«Qoiylǵan mindetterdi iske asyrý úshin ortalyq jáne jergilikti atqarýshy organdar 2021 jyly ekonomikany damytýdyń mynadai faktorlarǵa nazar aýdarý usynylady. Birinshi, makroekonomikalyq turaqtylyqty qamtamasyz etý aiasynda memlekettik shyǵystardyń tiimdiligin arttyrý jáne salyqtyq-kedendik ákimshilendirýdi jaqsartý boiynsha sharalar qabyldaý qajet. Ekinshi, jańa investitsiialyq tsikldy qalyptastyrý ekonomikanyń qalpyna keltirý men odan ári sapaly damýynyń bazalyq sharty bolyp sanalady. Ortalyq jáne jergilikti atqarýshy organdar, sondai-aq ulttyq kompaniialar syrtqy jáne ishki investitsiialardy tartý boiynsha úilestirilgen jumys júrgizýi qajet», - dedi Áset Erǵaliev.
Onyń atap ótýinshe, úshinshiden, shaǵyn jáne orta biznes jumys oryndaryn qurý jáne halyqtyń tabysyn arttyrýdyń negizgi kózi bolyp sanalady.
Osyǵan bailanysty qoljetimdi kreditpen qamtamasyz etý jalǵasady.
Júie máselelerin sheshý aiasynda qaita retteý, jekeshelendirý jáne básekelestikti damytý boiynsha sharalar qabyldanatyn bolady.
«Tórtinshi, keiingi úrdister ekonomikanyń turaqtylyǵyn qamtamasyz etý úshin bazalyq importqa táýeldilikti tómendetý jáne ishki suranystyń áleýetin paidalaný qajettiligin kórsetti. Besinshi, júrgizilip jatqan kontrtsikldi makroekonomikalyq saiasat aiasynda sapaly infraqurylymdy belsendi damytý qajet. Bul qosymsha jumys oryndaryn qurýǵa jáne iskerlik belsendilikti yntalandyrýǵa, sondai-aq ekonomikalyq ósý potetsialynyń ulǵaiýyna múmkindik beredi. Jalpy alǵanda, iskerlik belsendilikti qoldaý boiynsha shuǵyl sharalardy ýaqytyly iske asyrý, sondai-aq qurylymdyq jáne institýtsionaldyq reformalardy júrgizý ekonomikanyń bolashaqtaǵy turaqty jáne sapaly damýyna qajetti negiz bolady», - dedi Áset Erǵaliev.
