Sońǵy kezde Ulttyq arna efirinen berilgen "Qozy Kórpesh - Baian Sulý" serialyna qatysty daý órship tur. Osy máselege qatysty Ult.kz tilshisi qazaq kinosynyń qara nary Asanáli Áshimovtiń pikirin bilgen edi.
- Orystarda «Pervyi blin komom» degen sóz bar. Baiaǵyda bizdiń qazaq kinosy da dál osy «Qozy Kórpeshpen» bastalǵan, ol biraq film-spektakl edi. Onyń da deńgeii tómen bolatyn. Akterlardan teatrlyqtyń jeli estetin, biraq ol tarih bolyp qaldy.
Buny búgin anyq baǵamdap otyrmyz. Mysaly, sol Sholpandar, Shákeńniń túsirýimen birinshi rejisserlyq jumysy edi. Synǵa da tústi, artynan sóz de erdi. Alaida ár jaǵy túzeldi. Sol siiaqty, kósh degen júre túzeledi deidi. Men óz basym «Qazaqstan» arnasyna súiispenshilikpen qaraimyn. Sońǵy habarlardy da sol jerden kórip-bilip otyramyn. Kásibi, sapaly dúnieler berip keledi. Jalpy, bastama, talpynys durys.
Men jigitterge ylǵi aityp otyramyn. Mysaly, uly klassik Abai týraly kitaptyń ózinde qanshama material bar. Eldiń dástúri, salty, halyqtyń minez-qulqy, tarihy, mádenieti búkil bir romanǵa siyp tur ǵoi. Osymenen-aq álemge qazaqtyń bolmys-bitimin, mádenietin kórsetýge bolady. Osyny shetinen túsirse, 50-60 seriiadan turatyn úlken epopeia bolady. «Velikolepnyi Súleimen», «Bogatye toje plachýt» degenderdi qaraidy eldiń bári. Bul týyndylar nesimen el yqylasyna bólendi? Bunda halyqtyń taǵdyry, tarihy bar. Sol arqyly biz eldiń eldigin, ósý dáýirin, qandai úlken mádenietiniń bolǵanyn bilip otyrmyz. Sondyqtan da eldi tanytatyn, ótkeni men búninin ushtastyrǵan materialdar kerek. Kishigirim habarlar árkez bola beredi. Ol ýaqyt talaby. Biraq «Qazaqstan» sekildi arnalarda epopeia bolardai dúnieler bolýy tiis. Oǵan arnanyń hál-qadiri jetedi. Basshylarynyń da deńgeii soǵan jetedi dep oilaimyn.
.jpg)