Alepponyń shyǵysyndaǵy soǵystan qiraǵan ál-Shaar aýdany. Siriia, 5 jeltoqsan 2016 jyl.
Siriia úkimet áskeri men ony qoldaityn kúshter Alepponyń shyǵysyndaǵy kóterilisshiler baqylaityn taǵy bes aýdandy basyp aldy.
Syrian Observatory for Human Rights uiymynyń habarlaýynsha, úkimet kúshteri qazir Alepponyń shyǵysyndaǵy buryn kóterilisshiler ieliginde bolǵan territoriianyń 70 paiyzyna baqylaý jasaidy.
Uiym úkimet kúshteri kóterilisshiler baqylaýyndaǵy territoriiasyna jaqyn ál-Shaar aýdanyn basyp alǵanyn, kóterilisshiler úkimet áskerimen "jan alysyp, jan berisken soǵysta" tityqtap qalǵanyn aitady.
Resei qorǵanys ministrligi de Siriia úkimet kúshteri Alepponyń taǵy bes aýdanyn basyp alǵanyn, osymen kóterilisshilerden qaitaryp alǵan aýdan sany 35-ke jetetinin málimdedi.
