Foto: videodan alynǵan skrin
Búgin Bas prokýratýra men Interpol qyzmetkerleri Syrtqy ister ministrliginiń kómegimen Ýkrainadan asa iri kólemde alaiaqtyq jasaǵan kúdiktini ekstraditsiialady, dep habarlaidy «Ult aqparat» Kazinform-ǵa silteme jasap.
Ol 2017-2019 jyldar aralyǵynda Almatyda salynyp jatqan úiden páter beremin degen syltaýmen azamattardyń jalpy somasy 140 mln teńgeden astam múlkin aldap alǵan.
Qylmys jasaǵannan keiin kúdikti qashyp ketkendikten oǵan halyqaralyq izdeý jariialandy.
Ótken jyldyń qarasha aiynda kúdikti Ýkraina aýmaǵynda ustalǵan.
Qazaqstan Bas prokýratýrasynyń ótinishi boiynsha ýkrain tarapy kúdiktini elimizge ekstraditsiialaý jóninde sheshim qabyldady.
Aita keteri, byltyr Ýkrainanyń qylmyskerlerdi ekstraditsiialaý máseleleri boiynsha Qazaqstan-Ýkraina ózara is-qimylyn rettegen Minsk konventsiiasynan shyqqanyna qaramastan atalǵan adamdy ustap berý Qazaqstan Respýblikasy men Ýkraina arasyndaǵy 2018 jyly Qazaqstan Bas prokýratýrasy jasaǵan ekstraditsiialaý týraly sharttyń arqasynda múmkin boldy.
Sonymen qatar, Astana men Kiev arasynda tikelei áýe qatynasy bolmaǵandyqtan, izdeýde júrgen adamdy Ýkrainadan Moldova men Túrkiia arqyly ótkizýge týra keldi, ol úshin Bas prokýratýraǵa osy elderden adamdardy óz aýmaqtary boiynsha tranzittik tasymaldaýǵa kelisimin alý qajet boldy.
Qazir ol Astana qalasyndaǵy tergeý izoliatoryna qamaldy.
Aiyp taǵylyp otyrǵan qylmys jasaǵany úshin múlki tárkilenip, bes jyldan on jylǵa deiingi merzimge bas bostandyǵynan aiyrý jazasy qarastyrylǵan.
