فوتو: ۆيدەودان الىنعان سكرين
بٷگٸن باس پروكۋراتۋرا مەن ينتەرپول قىزمەتكەرلەرٸ سىرتقى ٸستەر مينيسترلٸگٸنٸڭ كٶمەگٸمەن ۋكراينادان اسا ٸرٸ كٶلەمدە الاياقتىق جاساعان كٷدٸكتٸنٸ ەكستراديتسييالادى, دەپ حابارلايدى «ۇلت اقپارات» Kazinform-عا سٸلتەمە جاساپ.
ول 2017-2019 جىلدار ارالىعىندا الماتىدا سالىنىپ جاتقان ٷيدەن پەتەر بەرەمٸن دەگەن سىلتاۋمەن ازاماتتاردىڭ جالپى سوماسى 140 ملن تەڭگەدەن استام مٷلكٸن الداپ العان.
قىلمىس جاساعاننان كەيٸن كٷدٸكتٸ قاشىپ كەتكەندٸكتەن وعان حالىقارالىق ٸزدەۋ جارييالاندى.
ٶتكەن جىلدىڭ قاراشا ايىندا كٷدٸكتٸ ۋكراينا اۋماعىندا ۇستالعان.
قازاقستان باس پروكۋراتۋراسىنىڭ ٶتٸنٸشٸ بويىنشا ۋكراين تاراپى كٷدٸكتٸنٸ ەلٸمٸزگە ەكستراديتسييالاۋ جٶنٸندە شەشٸم قابىلدادى.
ايتا كەتەرٸ, بىلتىر ۋكراينانىڭ قىلمىسكەرلەردٸ ەكستراديتسييالاۋ مەسەلەلەرٸ بويىنشا قازاقستان-ۋكراينا ٶزارا ٸس-قيمىلىن رەتتەگەن مينسك كونۆەنتسيياسىنان شىققانىنا قاراماستان اتالعان ادامدى ۇستاپ بەرۋ قازاقستان رەسپۋبليكاسى مەن ۋكراينا اراسىنداعى 2018 جىلى قازاقستان باس پروكۋراتۋراسى جاساعان ەكستراديتسييالاۋ تۋرالى شارتتىڭ ارقاسىندا مٷمكٸن بولدى.
سونىمەن قاتار, استانا مەن كيەۆ اراسىندا تٸكەلەي ەۋە قاتىناسى بولماعاندىقتان, ٸزدەۋدە جٷرگەن ادامدى ۋكراينادان مولدوۆا مەن تٷركييا ارقىلى ٶتكٸزۋگە تۋرا كەلدٸ, ول ٷشٸن باس پروكۋراتۋراعا وسى ەلدەردەن ادامداردى ٶز اۋماقتارى بويىنشا ترانزيتتٸك تاسىمالداۋعا كەلٸسٸمٸن الۋ قاجەت بولدى.
قازٸر ول استانا قالاسىنداعى تەرگەۋ يزولياتورىنا قامالدى.
ايىپ تاعىلىپ وتىرعان قىلمىس جاساعانى ٷشٸن مٷلكٸ تەركٸلەنٸپ, بەس جىلدان ون جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلعان.
