Foto: QR Premer-ministriniń baspasóz qyzmeti
Ulttyq mýzeidiń burynǵy direktory Arystanbek Muhamediulyn qamaýda ustaý merzimi qaita uzartyldy, dep habarlady Astana qalalyq tergeý sotynyń baspasóz qyzmeti.
"2023 jyldyń 13 aqpanynda Astana qalasynyń mamandandyrylǵan aýdanaralyq tergeý soty kúdikti A.Muhamediulyn qamaýda ustaý merzimin eki aiǵa uzartty", - delingen sot habarlamasynda.
Eske salaiyq, Ulttyq mýzeidiń burynǵy direktory 2022 jyly 28 mamyrda eki aiǵa qamaýǵa alynǵan.
Oǵan qatysty "Altyn adamnyń álem mýzeilerine sherýi" halyqaralyq kórmesin ótkizý kezinde 146 million teńge biýdjet qarajatyn jymqyrý deregi boiynsha sotaldy tergeý júrip jatyr.
