Almaty ákimshiligi Arys qalasynan kelgen balalardy demaldyrýǵa 14 mln teńgeden astam qarjy bóldi, dep habarlaidy QazAqparat tilshisi.
Bul týraly qalalyq máslihat sessiiasynda Strategiia men biýdjet basqarmasy basshysynyń mindetin atqarýshy Janar Jazyltaeva málimdedi.
«Arys qalasynyń japa shekken turǵyndaryna kómek retinde Almatydaǵy »Órnek« lagerine 225 bala men 14 tárbieshi 40 kúnge demalýǵa jiberildi. Bul úshin jergilikti biýdjetten 14,4 mln teńge bólindi», - dedi Janar Jazyltaeva.
Buǵan deiin 4 myńǵa jýyq Arys balalary Qazaqstannyń jazǵy lagerlerinde demalatynyn habarlaǵan bolatynbyz.
Eske sala ketsek, Arys qalasyndaǵy áskeri bólimniń qoimasynda 24 maýsym kúni tańerteń jarylys boldy. Sonyń saldarynan úsh adam qaza tapty, 170-ke jýyq adam zardap shekti. 20-ǵa jýyq úi, 9 qora-qopsy janyp ketti. Úi-jailar men ǵimarattardyń 80-90 paiyzyna ártúrli deńgeide zaqym keldi.
Túrkistan oblysyna arnaiy barǵan Qazaqstan Prezidenti Qasym-Jomart Toqaev Arystaǵy áskeri bólimshedegi oq-dári qoimasyndaǵy jarylystan zardap shekken turǵyndarmen kezdesti. Memleket basshysy qalany qalpyna keltirýdi tapsyrdy.
