Arys qalasynda qaitys bolǵandar sany 3 adamǵa jetti. Bul týraly QR Qorǵanys ministrliginen habarlady, – dep jazady "Ult Aqparat".
«Qorǵanys ministrligi búgin Shymkenttegi aýrýhanalardyń birinde Arystaǵy tótenshe jaǵdai barysynynda jaraqat alǵan kelisimshart qyzmetindegi áskeri qyzmetshi aǵa serjant A.N. Ahmetovtyń qaitys bolǵanyn habarlaidy. Ministrlik basshylyǵy men jeke quramy qaiǵyly qazaǵa ortaqtasyp, týysqandary men jaqyndaryna kóńil aitady» delingen habarlamada.
Jarylystan qaza tapqan úshinshi adam 32 jastaǵy áskeri qyzmetker bolǵan.
Oblystyq qoǵamdyq densaýlyq basqarmasynyń baspasóz qyzmetiniń habarlaýynsha, kóz jumǵan jigit Ábdikúl Nurlanuly Ahmetov - Arys qalasynyń turǵyny. 1987 jyly týǵan. Úilengen, balasy bar.
«Ol sol jerdegi áskeri bólimde jumys istegen. Jarylys bolǵan kezde ol aýyr jaraqattanyp, aviatsiialyq meditsinalyq qutqarý qyzmetimen Túrkistan oblystyq klinikalyq aýrýhanasyna jetkizilgen. Es-túzsiz jatqan naýqasqa jansaqtaý bóliminde barlyq qajetti saýyqtyrý sharalary jasaldy. Ókinishke orai, ol kóz jumdy», - dedi baspasóz hatshysy Mira Súileimenova.
Aita keteiik, buǵan deiin eki adamnyń qaitys bolǵanyn habarlaǵan bolatynbyz. Onyń biri Arys qalasynyń turǵyny bolǵan. Snariad avtokólikke túsip, onyń ishindegi adam kóz jumdy. Mert bolǵan adamnyń ekinshisi - Qorǵanys ministrliginiń áskeri qyzmetshisi edi.
