ارىس قالاسىندا قايتىس بولعاندار سانى 3 ادامعا جەتتٸ. بۇل تۋرالى قر قورعانىس مينيسترلٸگٸنەن حابارلادى, – دەپ جازادى "ۇلت اقپارات".
«قورعانىس مينيسترلٸگٸ بٷگٸن شىمكەنتتەگٸ اۋرۋحانالاردىڭ بٸرٸندە ارىستاعى تٶتەنشە جاعداي بارىسىنىندا جاراقات العان كەلٸسٸمشارت قىزمەتٸندەگٸ ەسكەري قىزمەتشٸ اعا سەرجانت ا.ن. احمەتوۆتىڭ قايتىس بولعانىن حابارلايدى. مينيسترلٸك باسشىلىعى مەن جەكە قۇرامى قايعىلى قازاعا ورتاقتاسىپ, تۋىسقاندارى مەن جاقىندارىنا كٶڭٸل ايتادى» دەلٸنگەن حابارلامادا.
جارىلىستان قازا تاپقان ٷشٸنشٸ ادام 32 جاستاعى ەسكەري قىزمەتكەر بولعان.
وبلىستىق قوعامدىق دەنساۋلىق باسقارماسىنىڭ باسپاسٶز قىزمەتٸنٸڭ حابارلاۋىنشا, كٶز جۇمعان جٸگٸت ەبدٸكٷل نۇرلانۇلى احمەتوۆ - ارىس قالاسىنىڭ تۇرعىنى. 1987 جىلى تۋعان. ٷيلەنگەن, بالاسى بار.
«ول سول جەردەگٸ ەسكەري بٶلٸمدە جۇمىس ٸستەگەن. جارىلىس بولعان كەزدە ول اۋىر جاراقاتتانىپ, اۆياتسييالىق مەديتسينالىق قۇتقارۋ قىزمەتٸمەن تٷركٸستان وبلىستىق كلينيكالىق اۋرۋحاناسىنا جەتكٸزٸلگەن. ەس-تٷزسٸز جاتقان ناۋقاسقا جانساقتاۋ بٶلٸمٸندە بارلىق قاجەتتٸ ساۋىقتىرۋ شارالارى جاسالدى. ٶكٸنٸشكە وراي, ول كٶز جۇمدى», - دەدٸ باسپاسٶز حاتشىسى ميرا سٷيلەيمەنوۆا.
ايتا كەتەيٸك, بۇعان دەيٸن ەكٸ ادامنىڭ قايتىس بولعانىن حابارلاعان بولاتىنبىز. ونىڭ بٸرٸ ارىس قالاسىنىڭ تۇرعىنى بولعان. سنارياد اۆتوكٶلٸككە تٷسٸپ, ونىڭ ٸشٸندەگٸ ادام كٶز جۇمدى. مەرت بولعان ادامنىڭ ەكٸنشٸسٸ - قورعانىس مينيسترلٸگٸنٸڭ ەسكەري قىزمەتشٸسٸ ەدٸ.
