Arystaǵy jarylys boiynsha isti sotta qaraý basqa kúnge qaldyryldy. Shymkent garnizony áskeri soty prokýrorlardyń qarsylyǵyna qaramastan, osyndai sheshimge keldi, dep habarlaidy "Ult aqparat".
Shymkent garnizony áskeri sotynyń málimetinshe, atyshýly qylmystyq is boiynsha prokýror birneshe sottalýshyǵa qol qoiylmaǵan aiyptaý aktisin tabys etken. Al, 11 maýsym kúni prokýrorlar árbir sottalýshyǵa taǵylǵan aiyptyń mánin jariia ete bastaǵan bolatyn. Alaida birqatar sottalýshylar men olardyń advokattary tóraǵalyq etýshi sýdiaǵa prokýrordyń qol qoimaǵan aiyptaý aktisin tapsyrǵanyn aitqan.
«QPK 304-babyna sáikes, prokýrorǵa aiyptaý aktisin alǵany týraly qolhatpen aiyptalýshyǵa tabys etýdi qamtamasyz etý júkteledi. Tekserý barysynda aiyptalshylardyń qorǵaýshylary tarapynan joǵaryda atalǵan ýájderi rastalǵan. Osyǵan bailanysty sotqa tóraǵalyq etýshi sýdia prokýrorlardyń qarsylyǵyna qaramastan, prokýrorlardy aiyptaý aktisin tapsyrý boiynsha sharalar qabyldaýǵa mindettegen. Sot otyrysyn qaraýdy basqa kúnge qaldyrdy», delingen habarlamada.
