24 maýsymda Túrkistan oblysy Arys qalasynda bolǵan jarylystan kórshi ornalasqan Aqdala kenti zardap shekti, dep xabarlaidy "Ult aqparat".
Aqdala aýyly turǵyndarynyń biri Orynxan Arynbaevtyń aitýynsha, sol qaiǵyly kúni tek arystyqtar ǵana emes, Arysqa jaqyn ornalasqan kórshi kenttiń turǵyndary da úilerin tastap qashýǵa májbúr bolǵan.
«Qatty gúrsil estildi. Jarylys kezinde snariadtyń jaryqshaqtary birqatar kilometrge, bizdiń kenttiń aýmaǵyna da jetti. Sonyń saldarynan bir snariad úidiń aldyndaǵy «septikti», taǵy bir bóligi saraidy zaqymdady. Igi bolǵanda eshkim zardap shekken joq. Úidiń ústine túskende ne bolar edi?! Nemerelerim men balalarym qoryqqannan jertólege tyǵyldy. Onda biraz ýaqyt otyryp, qalǵandarymen birge qashty», - deidi zeinetker.
Budan bólek, aqsaqal kentti evakýatsiialaǵannan keiin bir siyry joǵalyp ketkenin aityp, shaǵymdandy.
«Barlyǵymyzdy Shymkenttegi 53-mektepke evakýatsiialady. Men kún saiyn maldarǵa azyq berý úshin úige kelip júrmin. Olarǵa qaraý kerek qoi, onyń bárin kim isteidi?! Ár adamnyń maldary óriste júr, olar joǵalyp ketýi nemese urlanýy múmkin ǵoi», - deidi ol.
