Túrkistan oblysy Arys qalasyndaǵy tótenshe jaǵdaida adasqan balalardyń sýreti oblystyq ákimdik saityna jariialanyp otyrady, dep habarlaidy QazAqparat.
Bul týraly Túrkistan oblysynyń ákimi Ómirzaq Shókeev Arys qalasynda tikelei efirde ótken baspasóz brifinginde aitty.
«Tek sońǵy bir saǵatta 1616 adam evakýatsiialandy. Árine, ata-anasynan kóz jazyp qalǵan kishkentai balalar bar. Barlyq jinaý bólimderi boiynsha, Shymkenttiń barlyq aýdandarynda arnaiy jumys tártibin uiymdastyrdyq. Adasqan balalardyń fotosýreti Túrkistan oblysy ákimdiginiń resmi saityna salynyp otyrady. Bul arqyly balasymen qaýyshyp jatqandar bar. Bul jumystardy jalǵastyramyz», - dedi ákim.
