Memleket basshysy Qyrǵyzstan Prezidenti Sooronbai Jeenbekovpen telefon arqyly sóilesti, – dep habarlaidy "Ult Aqparat".
Aqordanyń resmi saitynda Qazaqstan Prezidenti Qasym-Jomart Toqaevqa Qyrǵyz Respýblikasynyń Prezidenti Sooronbai Jeenbekov Arys qalasyndaǵy jarylystardan qaza bolǵandardyń otbasylaryna kóńil aityp, jaraqat alǵandarǵa qoldaý bildirgeni jazylǵan.
Kórshi memlekettiń basshysy kisi ólimi men aýqymdy zardaptar ákelgen tótenshe jaǵdaiǵa Qyrǵyzstan shynaiy janashyrlyqpen qaraitynyn atap ótti.
Al Qasym-Jomart Toqaev «Arys qalasyndaǵy tótenshe oqiǵaǵa bailanysty Qyrǵyzstan Prezidenti S.Jeenbekovtiń baýyrlas qyrǵyz halqynyń atynan alańdaýshylyq pen janashyrlyq tanytqanyna rizashylyǵymdy bildiremin» dep jazdy Twitter paraqshasynda.
