Arystaǵy jarylysqa qatysty, «Bógen» sý qoimasynan keletin qaýip týraly aqparat jalǵan, dep málimdedi Túrkistan oblysy ákiminiń baspasóz qyzmeti.
Buǵan deiin, joiqyn jarylystyń saldaryn joiý maqsatynda «Bógen» sý qoimasyn ashyp, Arys qalasy men ainalasyndaǵy birneshe aýyldy sý basý qaýpi bar degen aqparat taraǵan bolatyn.
Túrkistan oblysynyń ákimi Ó.Shókeev Arystaǵy áskeri bólimshede oryn alǵan jarylysqa bailanysty oqiǵa ornyna bardy.
Qazirgi tańda arnaiy shtab qurylyp, áskeriler men quqyq qorǵaý organdary TJ aimaǵyna kelip jetti.
Oblys ákiminiń tapsyrmasyna sáikes, turǵyndar Aqdala burylysy, 41 razezd jáne Vodozobor baǵytynda lagerlerge ornalastyrylady.
Atalǵan úsh baǵyt boiynsha áskeri kólikter, kamazdar men arnaiy jasaq jumyldyrylýda.
Lager basynda turǵyndardy aýdan ákimderi qarsy alyp, jaiǵastyrady.
Áleýmettik nysandardy (aýrýhana, balalar) politsiia qyzmetkerleri kóshirýde.
Sondai-aq, Otyrar men Ordabasy aýdandarynda 100 oryndyq eki gospital ashyldy. Qosymsha 30 jedel meditsinalyq kóligi jumys isteýde.
