Shymkent qalasynyń turǵyndary Arystaǵy jarylystan evakýtsiialanǵan halyqqa jappai kómek kórsetip jatyr, dep habarlaidy "Ult aqparat".
Shymkent qalasynyń ortalyq meshiti qazirgi ýaqytta Arys qalasynan evakýatsiialanǵan halyqty qabyldaýda. Kelip túsken habarlarǵa qaraǵanda, evakýatsiia kezinde adasyp qalǵan balalardyń barlyǵy meshitke jetkizilip jatyr. Qazirgi ýaqytta kómek kórsetýge ákelingen adamdar sany 500-den asqan.
Meshit imamynyń aitýynsha, jetkizilgender meshittiń medresesi men jataqhanasyna ornalastyrylýda.
"Múmkindiginshe ata-analaryna habarlasyp, telefon arqyly aqparat taratyp jatyrmyz. Balalar, ásirese, balabaqsha jasyndaǵy balalar kóp. Qazir meshittiń janyndaǵy medreseniń jataqhanasyn bosatyp, sonda ornalastyryp jatyrmyz. Barynsha kómek berýge tyrysyp baǵýdamyz. Qala halqyna rahmet, sý, azyq-túlik alýǵa kómektesip jatyr", - deidi bas imamnyń orynbasary.
