Arys qalasynda temir jol deposy qoimasynan órt shyqty. Bul týraly Túrkistan oblysy ákiminiń keńesshisi Sáken Qalqamanov áleýmettik jelidegi paraqshasynda jariia etti, dep habarlaidy "Ult aqparat".
«Arys qalasyndaǵy temir jol deposynyń TChE 32 tsehynda órt shyqty. Barlyq órt sóndirý qyzmeti jalyndy aýyzdyqtaýǵa jumyldyryldy. Órtti sóndirýge TJQ jeke quramynan 55 adam men 8 tehnika tartylǵan. Aldyn ala boljamdar boiynsha, órttiń shyǵýyna vagondardy jóndeý kezinde dánekerleý quralyn durys paidalanbaý sebep bolǵan. Órtten qala turǵyndarynyń ómirine eshqandai qaýip tónip turǵan joq. Tótenshe jaǵdaidy mamandar baqylaýyna alǵan»,- dedi Sáken Qalqamanov.
Esterińizge sala keteiik, 24 maýsym kúni saǵat 10 kezinde Túrkistan oblysy Arys qalasyndaǵy áskeri bólimniń oq-dári qoimasynda joiqyn jarylys boldy. Qala turǵyndary Shymkent pen kórshiles aýdandarǵa shuǵyl kóshirildi.
Resmi derekterge súiensek, oqiǵa saldarynan úsh adam qaza tapqan – eki áskeri qyzmetker men bir jergilikti turǵyn.
Jarylys bolǵannan keiin tórtinshi kúni turǵyndar Arys qalasyna qaitty.
