QR Qorǵanys ministri Nurlan Ermekbaev Arystaǵy oq-dári qaldyqtary týraly aitty, dep habarlaidy QazAqparat tilshisi.
«Qazir Arysta mobildi toptar men saperler toby turaqty jumys isteýde. Ózderi tekserý júrgizip, qaýipti zattardy alady. Tabylǵan qaldyqtardyń 90 paiyzy qaýipsiz, olar - jai ǵana metall synyqtary. Biraq, keibir zattardy keskende nemese otqa salǵanda qaýip týdyrýy múmkin. Sondyqtan, baǵaly metall dep qunyqpai, mamandardy shaqyrǵan jón», - dedi ministr Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, negizgi jumystar áskeri bólim ainalasynda jáne arsenal ishinde júrip jatyr jáne tazalaý jumystary taǵy 1-2 aiǵa sozylýy múmkin.
«Elbasy tapsyrmasymen qalǵan oq-dáriler arsenaldan shyǵarylady jáne qaýipsiz qoimalarǵa taratylady. Nemese tiisti organdarǵa ýtilizatsiiaǵa beriledi nemese qaladan 60 shaqyrym jerde jarý jolymen joiylady», - dedi N. Ermekbaev.
Tekserý jumystary aiaqtalǵan soń, qansha tonna oq-dáriniń jarylyp ketkeni jáne qansha shyǵyn kelgeni anyqtalady.
«Oq-dárilerdiń jartysynan astamy jarylyp ketti. Órt sóndirýshiler ekinshi jáne úshinshi bazadaǵy órtti sóndirý arqyly, injenerlik oq-dárilerdi saqtap qaldy (...) Arsenalda aviatsiialyq snariadtar men teńiz oq-dárileri eshqashan saqtalmaǵan», - dep túsindirdi ministr.
