Arys turǵyndarynan múlkiniń urlanǵany týraly 85 aryz túsken, dep habarlaidy QazAqparat tilshisi.
Bul týraly tótenshe jaǵdailar komitetiniń tóraǵasy Valimir Bekker ortalyq kommýnikatsiialar qyzmetinde ótken brifingte aitty.
«Úiine qaitqan turǵyndar múlki joǵalǵany týraly 85 aryz túsirgen. Alaida, onnan astam aryzdy ieleri qaitaryp aldy. Asa iri kólemde azyq-túlik urlaý faktisi tirkeldi. Bir adam kóligi urlanǵanyn habarlaǵan. Jalpy, ár oqiǵa boiynsha jedel-izdestirý toptary shuǵyl sharalar qabyldap jatyr», - deidi Vladimir Bekker.
Onyń aitýyna qaraǵanda, 28 maýsymnan beri turǵyndardyń shaǵymdary boiynsha jedel áreket etetin 48 tekserý toby jumys istep jatyr.
Eske salsaq, QR Qorǵanys ministrligi keshe Arys qalasynda jarylý qaýpi joq qarý-jaraq bólshekterin joiý jumystaryn bastaǵan bolatyn.
Buǵan deiin Túrkistan oblysy ákiminiń orynbasary Joldymurat Amanbaev apattan zardap shekken Arys turǵyndarynyń árqaisyna 100 myń teńgeden tóleý úshin eki aptanyń ishinde 44 myńnan asa adam týraly málimet jinalatynyn aitqan bolatyn.
Búgingi tańda búlingen 247 jeke úi jóndelýde.
