Arysta jol apatynan zardap shekken bala arada bir jarym ai ótkende kóz jumdy. Ishki ister ministrligi balany qaqqan júrgizýshige qatysty tergeý júrip jatqanyn málimdedi, dep habarlaidy QazAqparat.
28 maýsym kúni «Arys-Monaitas» avtojolyndaǵy 42-razezd janynda «Mersedes Bents» avtokóliginiń júrgizýshisi 2011 jyly týǵan balany qaǵyp, oqiǵa ornynan boi tasalaǵan. Jol apatynan jaraqat alǵan bala Shymkent qalasynyń balalar aýrýhanasyna, odan keiin sanaviatsiiamen Nur-Sultan qalasyna jóneltilgen bolatyn.
«Sol kúni Arys qalasynyń politsiia basqarmasy atalǵan fakti boiynsha QK 345-baby 2-bóligimen sotqa deiingi tergeý jumystaryn bastady. Oqiǵa ornynan qashyp ketý faktisi boiynsha júrgizýshige qatysty QK 347-baby boiynsha qosymsha qylmystyq is tirkelip, bir óndiriske biriktirildi. «Mersedes Bents» kóliginiń júrgizýshisinen jaýap alyndy. Ol kinásin moiyndady» delingen IIM habarlamasynda.
Búgin jábirlenýshi bala elordalyq aýrýhanada alǵan jaraqatynan kóz jumdy. Dárigerlerdiń aitýynsha, tiisti em-sharamen qatar jetkinshektiń basyna ota jasalǵan.
Qazirgi ýaqytta sot-meditsinalyq saraptama taǵaiyndalǵan. Qylmystyq is QK 345-babynyń 3-bóligine qaita saralandy. Tergeý jalǵasyp jatyr.
