ارىستا جول اپاتىنان زارداپ شەككەن بالا ارادا بٸر جارىم اي ٶتكەندە كٶز جۇمدى. ٸشكٸ ٸستەر مينيسترلٸگٸ بالانى قاققان جٷرگٸزۋشٸگە قاتىستى تەرگەۋ جٷرٸپ جاتقانىن مەلٸمدەدٸ, دەپ حابارلايدى قازاقپارات.
28 ماۋسىم كٷنٸ «ارىس-مونايتاس» اۆتوجولىنداعى 42-رازەزد جانىندا «مەرسەدەس بەنتس» اۆتوكٶلٸگٸنٸڭ جٷرگٸزۋشٸسٸ 2011 جىلى تۋعان بالانى قاعىپ, وقيعا ورنىنان بوي تاسالاعان. جول اپاتىنان جاراقات العان بالا شىمكەنت قالاسىنىڭ بالالار اۋرۋحاناسىنا, ودان كەيٸن ساناۆياتسييامەن نۇر-سۇلتان قالاسىنا جٶنەلتٸلگەن بولاتىن.
«سول كٷنٸ ارىس قالاسىنىڭ پوليتسييا باسقارماسى اتالعان فاكتٸ بويىنشا قك 345-بابى 2-بٶلٸگٸمەن سوتقا دەيٸنگٸ تەرگەۋ جۇمىستارىن باستادى. وقيعا ورنىنان قاشىپ كەتۋ فاكتٸسٸ بويىنشا جٷرگٸزۋشٸگە قاتىستى قك 347-بابى بويىنشا قوسىمشا قىلمىستىق ٸس تٸركەلٸپ, بٸر ٶندٸرٸسكە بٸرٸكتٸرٸلدٸ. «مەرسەدەس بەنتس» كٶلٸگٸنٸڭ جٷرگٸزۋشٸسٸنەن جاۋاپ الىندى. ول كٸنەسٸن مويىندادى» دەلٸنگەن ٸٸم حابارلاماسىندا.
بٷگٸن جەبٸرلەنۋشٸ بالا ەلوردالىق اۋرۋحانادا العان جاراقاتىنان كٶز جۇمدى. دەرٸگەرلەردٸڭ ايتۋىنشا, تيٸستٸ ەم-شارامەن قاتار جەتكٸنشەكتٸڭ باسىنا وتا جاسالعان.
قازٸرگٸ ۋاقىتتا سوت-مەديتسينالىق ساراپتاما تاعايىندالعان. قىلمىستىق ٸس قك 345-بابىنىڭ 3-بٶلٸگٸنە قايتا سارالاندى. تەرگەۋ جالعاسىپ جاتىر.
