8 tamyzdaǵy jaǵdai boiynsha Arys qalasyndaǵy 6,8 myń turǵyn úide negizgi qalpyna keltirý jumystary aiaqtaldy. 2,1 myń turǵyn úide shaǵyn jóndeý jumystary jalǵasýda. Bul týraly QR Indýstriia jáne infraqurylymdyq damý ministrliginiń baspasóz qyzmetinen málim etti, dep habarlaidy "Ult aqparat".
7 myńnan astam maman qalanyń qiraǵan turǵyn úi qoryn qurýda. Sektorlardaǵy barlyq qurylys jumystary kezeń-kezeńimen júrgizilýde jáne turaqty baqylaýda tur.
«Biz qala turǵyndaryn jumys júrgizý máselesi boiynsha alańdamaýdy suraimyz. Birde-bir laýazymdy adam jumysty aiaqtamai, qaladan ketpeidi. Árbir úi qatań baqylaýǵa alynyp, Arys qalasynda birde-bir otbasy nazardan tys qalmaitynyn atap ótkim keledi», - dedi birinshi vitse-ministr Qaiyrbek Óskenbaev.
Sonymen qatar, 77 úide úi ieleriniń kelispeýi nemese menshik ieleriniń ornynda bolmaýy sebebinen jumystar áli bastalǵan joq. Halyqpen aradaǵy barlyq daýly máselelerdi 17 sektordaǵy óńirler men respýblikalyq mańyzy bar qalalardyń ákimdikteriniń ókilderi pysyqtaýda.
