2019 jylǵy 12 shildedegi jaǵdai boiynsha Túrkistan oblysy Arys qalasynda 754 úide (bir kún buryn 674 úi) jóndeý jumystary aiaqtaldy.
Barlyǵy 17 sektorda 191 qurylys kompaniiasy eńbek etedi. Bul týraly QR Indýstriia jáne infraqurylymdyq damý ministrliginiń baspasóz qyzmeti habarlady.
Qurylys jáne TKSh isteri komitetiniń málimetteri boiynsha 5144 qurylysshy men 223 arnaiy tehnika JTQ jáne KPTÚ-diń 3232 nysandarynda (bir kún buryn 2989 nysanda) jumys isteidi. Osylaisha, kún saiyn qurylysshylar qalpyna keltirýdi qajet etetin 200-den astam úidi jóndeý jumystarymen ainalysýda.
Taǵy 1,5 myń qurylysshy «Samuryq - Qazyna» AQ qarajaty esebinen 62 áleýmettik nysandy (53 bilim berý nysany, 6 Densaýlyq saqtaý nysany jáne 3 sport nysany) qalpyna keltiredi.
Esterińizge sala keteiik, keshe Arys qalasyna QR Premer-ministri Asqar Mamin jumys saparymen keldi.
IIDM Vitse-ministri Qaiyrbek Óskenbaev qalanyń qalpyna keltirý qarqyny týraly baiandady.
Onyń aitýynsha, jaqyn aptada Arystaǵy qurylys jumystaryna 600-700 jumysshy jumyldyrylady. Elbasynyń jáne Memleket basshysynyń tapsyrmasy boiynsha barlyq búlingen jáne buzylǵan nysandar 2019 jyldyń 1 tamyzyna deiin tapsyrylýy tiis.
