QR Qarýly Kúshteri Bas shtaby bastyǵynyń birinshi orynbasary Rýslan Shpekbaevtyń aitýynsha, búgingi kúni Arys qalasynda 12,5 tonna oq-dári saqtalǵan, dep habarlaidy QazAqparat.
«Qazirgi tańda Arys qalasynda 12,5 tonna oq-dári saqtaýda jatyr. Atalǵan oq-dáriler respýblika aýmaǵynda 2 jańa saqtaý nysandarynyń qurylysy bitkennen keiin jedel túrde tasymaldanady», - dedi QR QK oq-dáriler Bas basqarmasynyń oq-dárilerdi esepke alý jáne qamtamasyz etý basqarmasynyń bastyǵy Nurálihan Asanov OKQ-daǵy bapsasóz máslihatynda.
Onyń aitýynsha, jarý jumystary tek jumys kúnderi – dúisenbi men juma aralyǵynda kúnine saǵat 12.00-de jáne 16.00-de eki ret júrgiziletinin málim etti.
«Jarý jumystarynyń ótetini jaily aldyn ala barlyq BAQ arqyly eskertilip, jumystary júrgizilýde», - dedi ol.
Al Arys qalasynyń ákimi Murat Qadyrbektiń aitýynsha, josparly jarylystardy júrgizý aldynda áskerilerden habarlama kelip túsetinin aityp ótti.
«Biz habarlamany bir apta buryn BAQ arqyly taratamyz. Jarylystyń qai ýaqytta jáne qai orynda bolatynyn habarlaimyz. Habarlamany taratý kezinde búkil bailanys quraly internet te, televidenie de, tipti daýys údetkish quraldardy da paidalanamyz. Arys turǵyndary bul jaǵdaiǵa túsinistikpen qarap otyr», - dedi ol.
