Keshe, 24 maýsym kúni Arys qalasynyń apelliatsiialyq komissiiasy Ulttyq biryńǵai test tapsyrǵan talapkerlerdiń ótinishterin qaraýy tiis bolatyn. Alaida, qalada oryn alǵan tótenshe jaǵdai saldarynan onyń jumysy keiinge qaldyryldy, dep habarlaidy QazAqparat.
«Iá, ókinishke orai, qazirgi ýaqytta halqymyzdyń nazary osy qalaǵa aýyp otyr. Onda qaiǵyly oqiǵalar oryn aldy. Arys qalasynda UBT-nyń 1 pýnkti bar. Ol №1 mektepte ornalasqan. Arys boiynsha bizde 2 lek ótti. Birinshisi - 21 maýsym, ekinshisi 23 maýsym kúni boldy. Jalpy ol jerde 779 bala ótinishin qaldyrǵan edi. Onyń 772-si eki lekpen tapsyrdy», - dedi búgin Ortalyq kommýnikatsiialar qyzmetindegi brifingte QR BǴM Joǵary jáne joǵary oqý ornynan keiingi bilim departamentiniń direktory Ádilet Toibaev.
Onyń aitýynsha, keshe, 24 maýsym kúni saǵat 9.00-de Arys qalasynyń №1 mektebinde apelliatsiialyq komissiia óz jumysyn bastaǵan. Alaida áskeri bólimshedegi jarylystardyń saldarynan jumysyn toqtatqan.
«Eshkim zardap shekken joq. Osy qalada ministrlik ókildiginiń 12 múshesi jumys istedi. Qazirgi ýaqytta olardyń 12-si de Shymkent qalasynda. 10-y Nur-Sultan qalasyna shyǵaiyn dep jatyr. Olar óz jumystaryn aiaqtaidy. Komissiia tóraǵasy sol jerde qalady. Jalpy jaǵdai turaqtalǵan soń bul apelliatsiiany ótkizetin bolamyz. Sebebi apelliatsiiany ótkizip úlgermedik. Múmkin ol jerde de talapkerlerden ótinishter bolyp qalar. 30 maýsymǵa deiin ýaqytymyz bar. Eger 30-na deiin úlgermesek onyń ýaqytyn sozamyz, ótkizemiz», - dedi departament basshysy.
