Koronovirýstyń taralýyna jol bermeý jáne onyń aldyn alý maqsatynda júrgizilgen reid sharalarynyń barysynda Arys aýdandyq politsiia bóliminiń qyzmetkerleri birneshe zańbuzýshylyqtardy anyqtap, shara qoldandy.
Bul týraly "Ult aqparat" Túrkistan oblystyq Politsiia departamentiń baspasóz qyzmetine silteme jasap habarlaidy.
Reid sharalry túngi ýaqytta adamdardyń toptasýyna, otyrystar, men jiyn-toilardy boldyrmaýdy kózdeitin edi. Tártip saqshylary osyndai kezekti reidterdiń birinde Arys qalasyndaǵy belgili saýda ortalyǵynda ornalasqan dámhananyń saǵat túngi 22:00-den keiin jumys istep, turǵyndarǵa qyzmet kórsetkenin anyqtady.
Atalǵan jaitqa bailanysty Arys aýdandyq politsiia bóliminiń politseileri QR ÁQBtK-niń 476-baby «Tótenshe jaǵdai rejimin buzý» boiynsha hattamalar toltyrdy.
«Ózderińizge belgili, Qazaqstan Respýblikasynyń Prezidenti qaýlysymen aǵymdaǵy jyldyń 16 naýryzy men 15 sáýir kúnderi aralyǵynda respýblikamyzda tótenshe jaǵdai jariialanǵan bolatyn. Osyǵan qarai Túrkistan oblysynyń politseileri kúsheitilgen rejimde jumystardy júrgizýde. Sonyń arqasynda tártip saqshylary tótenshe jaǵdai rejimin buzýdyń 70-den astam jáitin anyqtady. Quqyqbuzýshylarǵa 10 AEK kóleminde aiyppul salynyp, 17-si ákimshilik qamaýǵa alynǵan. Politseiler oblys turǵyndaryna tótenshe jaǵdai kezinde zań talaptaryna sáikes áreket etip, múmkindiginshe saqtyq sharalaryn ustanýdy eskertedi»,-delingen habarlamada.
