Foto: Túrkistan oblysy TJD
Arysta gaz ballony jarylyp, eki adam aýrýhanaǵa tústi. Denesin kúiik shalǵan eki adamnyń da jaǵdaiy aýyr, dep habarlaidy Kazinform agenttigi.
Arys qalasyndaǵy Qazybek bi kóshesinde ornalasqan úsh birdei kommertsiialyq nysan órtke orandy.
Saldarynan 50 litr gaz balony jarylyp, eki adamnyń denesin kúiik shaldy. Órt sóndirý qyzmeti oqiǵa ornyna jetken soń, naýbaihana ishinen taǵy 2 dana 50 litr jáne 2 dana 25 litr gaz ballonyn qaýipsiz jerge shyǵardy.
«Bir qabatty shatyr astynda ornalasqan tehnikalyq qyzmet kórsetý ortalyǵy, naýbaihana jáne dúkendi órt shaldy. 40 jastaǵy er adam denesiniń 65-70 paiyzyn kúiik shalsa, 36 jastaǵy ekinshi adam 25-30 paiyz kúiip qalǵan. Qazir eki zardap shegýshi de ortalyq aýrýhanaǵa jatqyzyldy» delingen Túrkistan oblysy Tótenshe jaǵdailar departamentiniń baspasóz qyzmeti taratqan aqparatta.
