Arys qalasyndaǵy jóndeý-eksplýatatsiia deposynan shyqqan órt sóndirildi. Bul týraly QR Tótenshe jaǵdailar komiteti habarlady.
«Qyzyl jalyn jalpy aýmaǵy 2040 sharshy metrdi qamtyǵan. Ony sóndirýge Túrkistan oblysy tótenshe jaǵdai komitetiniń jeke quramynan 41 qyzmetker men 10 tehnika tartyldy. Stansanyń 8 qyzmetkeri de jalyndy aýyzdyqtaýǵa atsalysty. Órt saǵat 16.45-te sóndirildi», - delingen baspasóz málimetinde.
Buǵan deiin, Arys qalasyndaǵy temir jol deposynyń TChE 32 tsehynda órt bolyp jatqany týraly habarlaǵan bolatynbyz.
