Tótenshe jaǵdaidy bastan ótkergen Arys jurtshylyǵy úilerine oralyp, tirshilik qyza tústi. Arystaǵy barlyq bank bólimsheleri ashylyp, jumysyn bastap ketti. Turǵyndarǵa jalaqy, ataýly áleýmettik kómek, zeinetaqy jáne járdemaqy aýdarylýda.
Qaladaǵy saýda oryndary men bazarlarda, dúkenderde azyq-túlik, turmysqa qajetti zattar men buiymdar, taýarlar satylyp jatyr. Un, makaron ónimderi, kiim-keshek, kókónis satylymǵa shyqty. Mal bazary da ashyldy. Kásipkerler qalypty jaǵdaida jumys isteýde.
Al dúkenine zaqym kelgen kásipkerlerge nysandardy jóndeý úshin memleket tarapynan qoldaý kórsetiledi. Olarǵa arnaiy sektorlarǵa bólingen qurylysshylar kómektespek. Nysandar qysqa merzimde jóndeledi.
Arys qalasynda 340-tan astam kásipkerlik nysany bar. Onyń ishinde 164 dúken, 5 bazar, 8 toihana, 28 kafe, 6 naýbaihana, 5 dámhana, 5 qonaq úi tirkelgen. Osy nysandardyń zardap shekpegenderi qalypty jaǵdaida jumysqa kirisip ketti.
Ult portaly
